ચા રસિકોને તો ચા સાંભળીને જ પીવાનું મન થઈ ગયું હશે. કારણ કે ઘણા લોકો ચાના એટલા શોખીન હોય છે કે સવારના સમય સિવાય તેઓ કામ દરમિયાન પણ ચા પી પી કરતા હોય અને પાછા કહે પણ ખરા કે ચા તો મારો પહેલો પ્રેમ. જ્યારે તેઓ ખુશ હોય ત્યારે ચા પીવે છે જ્યારે તેઓ તણાવમાં હોય ત્યારે ચા પીવે છે એટલે કે એકંદરે ચા મળવી જ જોઈએ. પરંતુ જેમ કોઈપણ વસ્તુનું વધુ પડતું સેવન નુકસાન કરે છે તેમ એ જ રીતે વધુ પડતી ચા પીવી પણ હાનિકારક છે.
ચા ફક્ત તમારા સ્વાસ્થ્યને જ નહીં પરંતુ તમારા દાંતને પણ નુકસાન પહોંચાડે છે. જો તમે કામના તણાવ અથવા આળસને દૂર કરવા માટે વારંવાર ચાનો સહારો લો છો અથવા તો સુતા પહેલા ચા પીવાની આદત ધરાવો છો તો તે સૌથી પહેલાં તો તમારી ઊંઘની પેટર્નને બગાડે છે. જેનાથી મૂળમાં ચીડિયાપણું જેવી સમસ્યાઓ થાય છે. અને ચા તમારા દાંતને પણ નુકશાન પહોંચાડે છે.
ચા તમારા દાંતને કેવી રીતે નુકશાન પહોંચાડે છે?
કેવી રીતે આ આર્ટિકલમાં વિસ્તારપૂર્વક જાણીયે. સૌથી પહેલા તો આ સાંભળી લો કે ચા તમારા દાંતને ખૂબ જ નુકસાન પહોંચાડે છે.
દાંતના ઉપરના સ્તરને નુકસાન
તો ઘણા લોકોને ગરમ ચા પીવાની આદત હોય છે. ચા થોડી પણ ઠંડી થાય તો તેમને ગમતી નથી. પરંતુ તમારી આ આદત ઇનેબાલ એટલે કે દાંતના ઉપરના પડને નુકસાન પહોંચાડે છે. આને કારણે સેન્સિટીવીટી થઈ જાય છે અને જ્યારે પણ તમે ગરમ કે ઠંડુ મીઠી કે ખાટી વસ્તુ ખાવ છો ત્યારે તમને દાંતમાં તીવ્ર ઝણઝણાટી અનુભવાય છે.
દાંતનો રંગ ઝાંખો પડી જાય છે
જો તમે પણ દરરોજ ઘણી બધી ચા પીતા હોવ તો જાણી લો કે તેના કારણે તમારા દાંતનો કુદરતી સફેદ રંગ ફીક્કો પડી શકે છે. અને તમારા દાંત પીળા દેખાવા લાગે છે. જે શરમજનક હોઈ શકે છે. વાસ્તવમાં ટેનીન નામનું તત્વ ચામાં જો જોવા મળે છે. જે પીળાશ લાવી શકે છે અથવા દાંતની ઉપરની સપાટી પર ડાઘા પાડી શકે છે.
મોહ માંથી દુર્ગંધ આવવી
જો તમે વધુ પડતી ચા પીવો છો તો તે દાંતને નુકસાન પહોંચાડે છે. પરંતુ ઓરલ હાઈજીન પર પણ નકારાત્મક અસર કરી શકે છે. જેના કારણે બેક્ટેરિયાના વિકાસને કારણે શ્વાસની દુર્ગંધ તમને પરેશાન કરી શકે છે.
કેવીટીની સંભાવના વધારે છે
જો તમે દિવસમાં ઘણી વખત ચા પીતા હોવ તો તેનાથી તમારા દાંત પર પ્લાગ જમા થવાની શક્યતા વધી જાય છે. આ સિવાય જો તમને વધુ પડતી મીઠી ચા પીવાનું પસંદ હોય તો તે તેનાથી પણ વધુ નુકસાનકારક છે. કારણ કે તેનાથી દાંતમાં કેવીટી થશે. આ સિવાય વધુ પડતી ચા પીવાથી કેલ્શિયમ એબ્સોર્પશનમાં પણ અવરોધ આવવાને કારણે હાડકા જ નહીં પરંતુ દાંત પણ નબળા પડી શકે છે.
તો જો તમે પણ અતિશય ચાનું સેવન કરતા હોવ તો થોડી ઓછી કરી દેજો તમારા માટે સારું રહેશે.
Post a Comment